Yarim himoyachi Ilkay Gyundogan "Galatasaroy" klubiga o‘tmoqda. Bu haqida Euro-football.ru xabar berdi.
34 yoshli futbolchi ijtimoiy tarmoqlarda bolalikdagi suratini e’lon qildi. Unda yosh Ilkay boshida "Galatasaroy" ramzi tushirilgan kepka kiyib turgan.
"Galatasaroy"ga o‘tish orqali Gyundogan bolalikdagi orzusini ro‘yobga chiqaradi. Tez orada uning transferi rasmiy tarzda e’lon qilinishi kutilmoqda.
Oldinroq "Manchester Siti" klubi Ilkayni Turkiyaga erkin agent sifatida qo‘yib yuborishi haqida ma’lumotlar tarqalgan edi. Ilkay Gyundogan nemis fuqarosi bo‘lib, uning ildizlari turk millatiga borib taqaladi.
U kattalar darajasida "Nyurnberg", "Borussiya", "Barselona" va "Manchester Siti" kabi jamoalarda o‘ynagan tajribali futbolchidir. Uning "Galatasaroy"ga o‘tishi jamoa uchun muhim yangilik bo‘lib, muxlislar orasida katta qiziqish uyg‘otmoqda.
