Karim Benzema professional faoliyatida 500-golga etdi
«Al-Ittihod» jamoasi hujumchisi Karim Benzema yaqinda o‘zining professional faoliyatida 500-golga erishdi. Bu haqida Euro-football.ru xabar berdi.
U Saudiya Arabistoni chempionatining birinchi turida «Al-Ahdud» jamoasiga qarshi o‘tkazilgan o‘yinda het-trik qayd etdi va jamoasining 5:2 hisobidagi g‘alabasida muhim rol o‘ynadi. Benzemaning 37 yoshida urgan ikkinchi gol professional faoliyatidagi 500-gol bo‘ldi.
Hozirgi kunda uning hisobida jami 501 ta gol bor, bu gollarni u klublar va terma jamoada 961 ta o‘yinda kiritgan. Karim Benzema futbolchilik faoliyatini «Lion» klubida boshlagan va 2004 yildan 2009 yilgacha shu jamoada o‘ynagan.
Keyin u Madridning «Real» klubiga o‘tib, uzoq yillar davomida faoliyat yuritdi. 2023 yilda esa «Real» klubini tark etib, Saudiya Arabistonining «Al-Ittihod» jamoasi bilan shartnoma imzoladi va hozirda shu klub safida o‘ynamoqda.
Uning faoliyati davomida ko‘plab muvaffaqiyatlarga erishgani va o‘zining yuqori darajadagi tajribasi bilan jamoasiga katta hissa qo‘shayotgani aniq.
