Germaniya terma jamoasi bosh murabbiyi Yulian Nagelsmann Florian Virtsning "Liverpul"dagi o‘yinlari haqida fikr bildirdi. Bu haqida Euro-football.ru xabar berdi.
22 yoshli hujumchi yarim himoyachi mavsum boshlanishidan oldin "Bayer" klubidan 125 million yevroga "Liverpul"ga o‘tdi. Nagelsmannning aytishicha, Florian Germaniya terma jamoasining asosiy o‘yinchilaridan biridir.
U an’anaviy "o‘n raqam" emas, ya’ni faqat to‘p bilan ishlashni xohlaydigan futbolchi emas, balki ko‘p harakat qiladigan va to‘psiz ham faol bo‘ladigan futbolchidir. "Liverpul"ga o‘tish unga oson bo‘lmagan, Angliyadagi dastlabki o‘yinlari Germaniyadagidek samarali bo‘lmagan, ammo yomon ham emas.
"Bayer"da u jamoaning yetakchi yulduzi bo‘lgan bo‘lsa, "Liverpul"da ko‘plab yulduzlar qatorida o‘ynaydi. Yangi sharoitlarga moslashish uchun vaqt kerak bo‘ladi, bu esa tabiiy holat.
Oldinda unga ko‘plab yaxshi o‘yinlar kutmoqda. 4 sentyabrda Germaniya terma jamoasi safarda Slovakiya jamoasiga qarshi o‘yin o‘tkazadi.
