Rossiya sport vaziri Mixail Degtyaryov xorijlik futbolchilarga qo‘yiladigan cheklovlarni qachon kuchaytirish rejalashtirilayotgani haqida ma’lumot berdi. Bu haqida Euro-football.ru xabar berdi.
Unga ko‘ra, hozirgi vaqtda maydonda sakkiz nafar, ro‘yxatda esa o‘n uch nafar xorijlik futbolchi o‘ynashi mumkin. Biroq kelajakda bu ko‘rsatkich asta-sekin kamaytiriladi.
Vazirning so‘zlariga ko‘ra, 2028 yilga borib maydonda besh nafar, ro‘yxatda esa o‘n nafar xorijlik futbolchi bo‘lishi belgilanishi mumkin. Bu o‘zgarishlar xorijlik futbolchilar sonini bosqichma-bosqich kamaytirishga qaratilgan.
Hozirgi mavsumda Rossiya chempionatida yetti tur o‘tkazildi. Joriy peshqadam «Krasnodar» jamoasi 16 ochko bilan birinchi o‘rinda bormoqda.
Ularni CSKA, «Baltika», «Lokomotiv» va «Zenit» jamoalari kuzatib bormoqda. Ushbu cheklovlar Rossiya futbolining rivojlanish strategiyasiga muvofiq amalga oshirilmoqda.
