Mark Kukurelya Oltin to‘pga nomzod bo‘lishni umid qilmoqda
«Chelsi» jamoasining himoyachisi Mark Kukurelya 2026 yilda agar Ispaniya terma jamoasi jahon chempionatida g‘olib chiqsa, Oltin to‘p sovriniga nomzod bo‘la oladimi, degan savolga javob berdi. Bu haqida Euro-football.ru xabar berdi.
O‘tgan yozda Kukurelya allaqachon klub darajasida jahon chempionligini qo‘lga kiritgan edi. U AS nashriga bergan intervyusida, bunday voqea juda murakkab va kamdan-kam uchraydigan holat ekanligini ta’kidladi.
«Men aniq bilmayman... hammasi bo‘lishi mumkin.
Umid qilamanki, nomzodlar qatoriga kiraman, lekin bu juda qiyin. Bunday yutuq shaxsiy hayotda tarixiy va unutilmas voqea bo‘lardi», dedi Kukurelya.
U odamlar ko‘proq hujumchilarni qadrlashini, televizor orqali gol uradigan futbolchilarni ko‘rishni xohlashini tushunishini bildirdi. «Odamlar ko‘pincha o‘yinni qiziqarli qiladigan futbolchilarga ovoz beradi.
Ammo himoyachilar ham Oltin to‘pni qo‘lga kiritgan, bunday holat yana takrorlanishi mumkin», dedi «Chelsi» futbolchisi. Shuni ta’kidlash kerakki, «Chelsi» jamoasidan faqat Kol Palmer 2025 yilgi Oltin to‘p nominatsiyasiga kiritilgan.
Sovrin 22 sentabrda topshiriladi.
