Dunyo mashhur dizayneri Jorjio Armani vafot etdi

4 sentyabr kuni dunyoga mashhur italyan moda dizayneri Jorjio Armani vafot etdi. Bu haqida Euro-football.ru xabar berdi.

U Italiya eng boy shaxslaridan biri bo‘lib, Armani uyi asoschisi edi. Uning yoshiga 91 yil to‘lgan edi.

Armani moda sohasida o‘zining betakror ijodi bilan dunyo miqyosida tanilgan va hurmat qozongan shaxs edi. Shuningdek, u sport sohasiga ham katta hissa qo‘shgan.

Armani futbol klublari va milliy terma jamoalar uchun rasmiy kiyim va sport anjomlarini yaratishda faol ishtirok etgan. U Italiya milliy terma jamoasining formasini yaratgan, shuningdek, Myunxenning Bayern, Londonning Chelsea va Napoli klublariga kiyim taqdim etgan.

So‘nggi yillarda, 2025/2026 va 2026/2027 yilgi mavsumlar uchun Turin shahridagi Juventus klubi bilan rasmiy anjomlar yaratish bo‘yicha shartnoma imzolagan. Jorjio Armani o‘zining nafis va zamonaviy dizaynlari bilan moda va sport olamida chuqur iz qoldirdi.

Uning ijodi ko‘plab insonlar uchun ilhom manbai bo‘lib xizmat qilmoqda.