Barcelona uch stadionda uy o‘yinlarini o‘tkazadi

Barcelona jamoasi “Kamp Nou” stadionining to‘liq rekonstruksiyasidan so‘ng yana o‘z maydoniga qaytishini sabrsizlik bilan kutmoqda. Bu haqida Euro-football.ru xabar berdi.

Ma’lum bo‘lishicha, 14 sentyabrda bo‘lib o‘tadigan La Liga doirasidagi “Valensiya”ga qarshi o‘yin jamoa uchun aynan Johan Kroyf stadionida o‘tkazilishi kutilmoqda. Ushbu stadionning sig‘imi atigi 6 ming tomoshabinni qabul qila oladi.

Sport nashrining xabar berishicha, 21 sentyabr kuni “Xetafe”ga qarshi o‘yin “Kamp Nou”da o‘tkazilishi mumkin. Shundan so‘ng, jamoa yana “Monjuik” stadioniga qaytib, 1 oktabrda Chempionlar ligasida “PSJ” bilan o‘yinni shu yerda o‘tkazadi.

Eslatib o‘tamiz, “Kamp Nou” stadionining rekonstruksiyasi 2022 yilda boshlangan va hozirda ishlar davom etmoqda. Bu yangilanishlar stadionning imkoniyatlarini kengaytirish va zamonaviy talablar darajasiga yetkazishni maqsad qilgan.

Barcelona muxlislari tez orada o‘z sevimli jamoasini yangi ko‘rinishda ko‘rishni intiqlik bilan kutmoqda.