Argentina terma jamoasi hujumchisi Lionel Messi yaqin orada faoliyatini yakunlashini yana bir bor bildirdi. Bu haqida Euro-football.ru xabar berdi.
38 yoshli futbolchi kelayotgan jahon chempionatida ishtirok etmasligi ehtimoli yuqori ekanini tan oldi. Yakuniy qaror kelasi yilda, musobaqa boshlanishidan biroz oldin qabul qilinadi.
Messi TyC Sports bilan intervyusida, Venesuela jamoasiga qarshi saralash o‘yinida (3:0) g‘alaba qozongandan so‘ng, «Ketishni o‘ylashga tayyor emasman. Bu men xohlagan yoki kutgan narsa emas.
Lekin vaqt yaqinlashayotganini bilaman», dedi. Hozirda «Inter Mayami» klubi hujumchisi Janubiy Amerika saralash bosqichidagi eng yaxshi to‘purarlar ro‘yxatida yetakchilik qilmoqda va sakkizta gol urgan.
Argentina terma jamoasi esa 2026 yilgi jahon chempionatida ishtirok etishni allaqachon kafolatlagan.
