Lamin Yamal jarohati jiddiy emas, maydonga qaytadi
Ispaniya terma jamoasi va “Barselona” klubi qanot himoyachisi Lamin Yamal yaqin kunlarda maydonga qaytishi kutilmoqda. Bu haqida Euro-football.ru xabar berdi.
18 yoshli futbolchi Bolgariya terma jamoasi bilan o‘tkazilgan o‘yinning so‘nggi daqiqalarida noqulaylik his qilib, zaxiraga olindi. Ushbu uchrashuvda ispanlar 3:0 hisobida g‘alaba qozondi.
Jurnalist Xavyer Erraesning ma’lumotlariga ko‘ra, Yamal jiddiy jarohat olmagan. Jamoa shifokorlari futbolchining holatini baholaganidan so‘ng, u juma kuni dam oladi.
Kutilishicha, yakshanba kuni bo‘ladigan 2026 yilgi jahon chempionati saralash bosqichining ikkinchi turida Turkiya terma jamoasiga qarshi o‘yinda ishtirok etadi. Lamin Yamal Bolgariya bilan o‘yinda golga uzatma amalga oshirdi.
Gollarni Mikel Oyarzabal, Mark Kukurelya va Mikel Merino kiritishdi. Bu natijalar jamoaning kuchli o‘yinini namoyish etdi va keyingi bahslarga ishonch bag‘ishladi.
