Bruno Enrike 12 o‘yindan chetlashtirildi
Braziliya Oliy sport sudyasi «Flamenqo» klubi vingeri Bruno Enrikega oid qaror qabul qildi. Bu haqida Euro-football.ru xabar berdi.
O‘tkazilgan tekshiruv natijasida 34 yoshli futbolchi qasddan sariq kartochka olishda aybli deb topildi. Manbalarga ko‘ra, futbolchiga 9425 yevro miqdorida jarima solindi va u 12 ta o‘yindan chetlashtirildi.
Bundan tashqari, unga 2 dan 6 oygacha qamoq jazosini olish xavfi mavjud. Braziliya futbol konfederatsiyasi kuzatuv tizimi aniqlashicha, Bruno Enrikening ukasi, kelini va jiyanasi o‘yindan bir kun oldin tikish saytida hisob ochib, «Flamenqo» va «Santos» jamoalari o‘rtasidagi o‘yinda futbolchining sariq kartochka olishi uchun pul tikishgan.
Ushbu holat o‘yinlarni tashkil etishda noqonuniy harakat sifatida baholandi va tegishli choralar ko‘rildi. Braziliya sport sudining qarori futbol sohasida adolat va halollikni ta’minlashga qaratilgan muhim qadam sifatida baholanmoqda.
