Sobiq “Manchester Yunayted” futbolchisi Andrey Kanchelskis OAV vakillari bilan suhbatda Valeriy Karpinning poytaxtdagi “Dinamo” jamoasi va Rossiya milliy terma jamoasidagi faoliyati haqida fikr bildirdi. Bu haqida Euro-football.ru xabar berdi.
Ekspertning ta’kidlashicha, Karpinga kamida qishki tanaffusgacha ishlash imkoniyati berilishi lozim. Bu asosan “Dinamo” jamoasiga taalluqlidir.
U ikki lavozimni bir vaqtda bajarish qiyinligini, bu holat jamoalarga salbiy ta’sir ko‘rsatishi mumkinligini aytdi. Eslatib o‘tamiz, Karpin o‘tgan yozda “Dinamo” bosh murabbiyi lavozimiga tayinlangan va uch yillik shartnoma imzolagan.
Rossiya chempionatining yetti turidan so‘ng “Dinamo” sakkiz ochko to‘plagan holda turnir jadvalida to‘qqizinchi o‘rinda bormoqda. Jamoaning navbatdagi o‘yini “Spartak”ga qarshi bo‘ladi.
