Hakim Ziesh La Ligada o‘ynashi mumkinligi aytilmoqda
Marokko terma jamoasi hujumchisi Hakim Ziesh faoliyatini La Liga’da davom ettirishi mumkin. Bu haqida Euro-football.ru xabar berdi.
Bu haqda AS nashri xabar bermoqda. Manbalarga ko‘ra, futbolchi Ispaniyaning «Sevilya» klubining diqqat markazida turibdi.
Biroq, qishki transfer mavsumida bu o‘tish amalga oshishi moliyaviy muammolar tufayli noaniq hisoblanadi. «Sevilya» jamoasi avvalo darvozabon Alvaro Fernandez bilan xayrlashishi lozim, shunda jamoaning maoshlar byudjeti yengillashadi.
Shuningdek, marokkolik futbolchiga Italiya klubi «Fiorentina» ham qiziqish bildirmoqda. Hozirda Ziesh erkin agent sifatida faoliyat yuritmoqda.
O‘tgan mavsumda u avval «Galatasaray»da, keyin esa Qatarning «Al-Duhail» klubida o‘ynadi. Ikkala jamoada jami 24 o‘yinda maydonga tushib, bir gol urdi va ikki golga uzatma berdi.
Hakim Zieshning kelajagi haqida qaror qabul qilishda klub va futbolchi o‘rtasida muzokaralar davom etmoqda.
