Ispaniyaning “Saragos” jamoasi futbolchisi Senan Bakis Turkiyaning “Vanspor” klubiga o‘tishni rad etdi. Bu haqida Euro-football.ru xabar berdi.
Ispaniyaning Marca nashrining xabar berishicha, bu rad javobidan so‘ng Bakis klub rahbariyatidan tahdidlar olmoqda. Ularning aytishicha, “Vanspor” rahbariyati uning qarorini qattiq tanqid qilib, bosim o‘tkazmoqda.
Bakisning so‘zlariga ko‘ra, “Ular menga shartnoma loyihasini taqdim etganda, unda ba’zi bandlarda o‘zgartirishlar qilinganini ko‘rdim. Men bunday shartnomani imzolamayman, shuning uchun kelishuv amalga oshmadi.
‘Vanspor’ prezidenti bu holatga juda agressiv munosabatda bo‘ldi, menga baqirdi va agar shartnomani imzolamasam, oqibatlari bo‘lishini aytdi. Men o‘z huquqlarimni himoya qilish uchun sudga murojaat qilish huquqini saqlab qolaman,” dedi futbolchi.
Ma’lumot uchun, “Vanspor” joriy mavsumda Turkiya birinchi ligasida ishtirok etib, musobaqa jadvalida to‘qqizinchi o‘rinda turibdi.
