Manchester Siti ikkita yosh futbolchini sotib oldi

Manchester Siti klubi ikki yosh futbolchini rasmiy tarzda jamoaga qo‘shganini e’lon qildi. Bu haqida Euro-football.ru xabar berdi.

Ular 16 yoshli Dekster Oliver va Freddi Lori bo‘lib, mos ravishda Tottenham va Aston Villa jamoalaridan kelishdi. Bu haqda taniqli jurnalist Fabrizio Romano ijtimoiy tarmoqlardagi sahifalarida ma’lum qildi.

Dekster Oliver markaziy va hujumchi yarim himoyachi sifatida maydonga tushadi. O‘tgan mavsumning ikkinchi yarmida u U18 yoshlar jamoasida 7 ta o‘yinda ishtirok etdi.

Freddi Lori esa asosan markaziy himoyachi bo‘lib, yarim himoyada ham o‘ynay oladi. U Aston Villaga kelishidan oldin Port Veyl jamoasida o‘ynagan.

Lori U18 chempionatida faqat bitta o‘yinda maydonga tushgan. Shuningdek, u Angliya U16 yoshlar terma jamoasi safida 9 ta o‘yinda qatnashib, 1 ta gol urgan.

Bu transferlar Manchester Siti yoshlar jamoasining kuchayishiga xizmat qiladi. Klub kelajakdagi yulduzlar yetishtirishga katta e’tibor qaratmoqda.