Belgiya klubi "Antverpen" tarkibiga Fransiyaning "Lion" klubidan yarim himoyachi Maamadu Diavara qo‘shildi. Bu haqida Euro-football.ru xabar berdi.
Bu haqda jurnalist Fabrizio Romano o‘zining ijtimoiy tarmoqlardagi sahifalarida ma’lum qildi. Manbaning xabar berishicha, ushbu kelishuv "Antverpen" uchun 250 ming yevroga tushdi.
Shartnomada 20 yoshli futbolchini 3 million yevroga sotib olish imkoni nazarda tutilgan va uning maoshini to‘liq Belgiya klubi qoplaydi. Shuningdek, "Lion" futbolchini keyinchalik sotishda 10 foiz ulushga ega bo‘ladi.
Diavaraning tibbiy ko‘rigidan o‘tishi 7 sentyabrga belgilangan. Futbolchi Fransiya yoshlar terma jamoasi U19 tarkibida 5 o‘yinda ishtirok etgan.
O‘tgan mavsumda esa u klub darajasida jami 20 ta o‘yinda maydonga tushgan, ulardan 15 tasi "Gavr"da, 5 tasi esa "Lion"da bo‘lib, bitta samarali uzatma amalga oshirgan.
