Yuvеntus Tyuramani 50 millionga sotishi mumkin
Yuvеntus jamoasi yozgi transferlar mavsumida yarim himoyachi Kefren Tyuramani foydali narxda sotishi mumkin edi. Bu haqida Euro-football.ru xabar berdi.
Ma’lum bo‘lmagan Saudiya klubi fransuz futbolchisi uchun 40-50 million yevro miqdorida taklif bilan chiqqan. 24 yoshli futbolchiga hozirgi maoshidan to‘rt barobar yuqori maosh va’da qilingan, ammo futbolchi bunday taklifga qiziqish bildirmay, darhol rad javobini bergan.
Kefren Tyurama o‘zini Yuvеntus uchun foydali o‘yinchi deb hisoblaydi va jamoa bilan birga Skudetto chempionligini qo‘lga kiritishni maqsad qilgan. Shu bilan birga, futbolchiga Parij Sen-Jermen klubi ham qiziqish bildirgan bo‘lib, kelasi yilda transfer bo‘yicha muzokaralar boshlanishi mumkin.
Transfermarkt portali Tyuramaning bozor qiymatini 40 million yevro atrofida baholamoqda. Bu raqam uning hozirgi darajadagi o‘yin sifati va bozor talablariga mos keladi.
Yuvеntus jamoasi esa futbolchining kelajagi va jamoaga foydasi haqida o‘ylab, transfer masalasida ehtiyotkorlik bilan qaror qabul qilmoqda.
