Madridning “Real” jamoasi va Fransiya terma jamoasi hujumchisi Kilian Mbappe o‘tgan davrlarda qaysi klublar uning xizmatiga qiziqish bildirganini ma’lum qildi. Bu haqida Euro-football.ru xabar berdi.
Nemis ommaviy axborot vositalari yulduz futbolchidan u hech qachon Bundesligada o‘ynash imkoniga ega bo‘lganmi, deb so‘radi. Kilian Mbappe Sport Bild nashriga bergan intervyusida ko‘plab klublar unga murojaat qilganini aytdi.
U yoshligida, “Monako” jamoasida o‘ynagan paytda “Bavariya” klubi bilan bog‘langan. Shuningdek, “Borussiya” Dortmund va “RB Leyptsig” klublari ham unga qiziqish bildirgan.
Bu faqat uchta klub ekanini ta’kidladi, boshqa klublar ham bo‘lishi mumkin, ammo ularni aniq eslay olmaydi. Kilian Mbappe 2017 yilda “Monako”dan “PSJ”ga o‘tgan, 2024 yildan boshlab esa “Real” jamoasida faoliyat yuritmoqda.
Uning faoliyati va keyingi rejalari haqida ko‘plab muxlislar qiziqish bildirmoqda.
