Galatasaray Turkiya terma darvozabonini sotib oldi
«Galatasaray» jamoasi rasmiy ravishda yangi darvozabonni sotib olganini e’lon qildi. Bu haqida Euro-football.ru xabar berdi.
Bu darvozabon Turkiya terma jamoasi a’zosi Ugurjan Chakir bo‘ldi. Tegishli ma’lumotlar jamoaning rasmiy saytida joylashtirildi.
Chakir «Trabzonspor» klubidan 33 million yevro evaziga sotib olindi. Shuningdek, qo‘shimcha bonus sifatida 3 million yevro ajratilishi ko‘zda tutilgan.
29 yoshli darvozabon «Galatasaray» bilan besh yillik shartnoma imzoladi. O‘tgan mavsumda Ugurjan Chakir «Trabzonspor» safida 43 ta o‘yinda maydonga tushdi va 42 ta gol o‘tkazib yubordi.
Shuningdek, 18 o‘yinda darvozasini aniq saqlab qoldi. Hozirda «Galatasaray» Turkiya chempionatining turnir jadvalida to‘rt turdan so‘ng 12 ochko bilan birinchi o‘rinni egallab turibdi.
Jamoa yangi darvozaboni bilan kelgusida yanada muvaffaqiyatli natijalarga erishishni maqsad qilgan.
