Argentinada Maradona shifokoriga hujum sodir etildi
Argentinada afsonaviy futbolchi Diego Maradonaning vafoti bilan bog‘liq sud jarayoniga jamoatchilik e’tibori kuchaymoqda. Bu haqida Euro-football.ru xabar berdi.
TN telekanalining xabar berishicha, Buenos-Ayresdagi sud binosi oldida Maradonaning tarafdorlari sudlanuvchilardan biri, shifokor Leopoldo Lukega hujum qilgan. Manbalarga ko‘ra, erkak boshiga Argentina bayrog‘i bilan zarba berilgan.
Luke Maradonaning o‘limiga olib kelgan ehtiyotsizlikda gumon qilinayotgan yetti tibbiyot xodimidan biridir. Sudda yana oltita shifokor va hamshira sud qilinmoqda.
Ularga bemorni noto‘g‘ri davolashda jinoyat alomati bo‘lgan beparvolik ayblari qo‘yilgan. Agar ayblar tasdiqlansa, sudlanuvchilar 25 yilgacha qamoq jazosiga hukm qilinishi mumkin.
Sud jarayoni keng qamrovli bo‘lishi kutilmoqda: 192 guvoh so‘roq qilinadi, shuningdek, tibbiy xulosalar, tahlillar, shifokorlar o‘rtasidagi yozishmalar va audio yozuvlar tahlil qilinadi. Diego Maradona 2020-yil 25-noyabrda, 60 yoshida, Tigre shahridagi uyida yurak xurujidan vafot etgan.
