Holann Yevropada 48 yillik rekord o‘rnatdi

Manchester Siti hujumchisi Erling Holann Norvegiya terma jamoasi safida o‘tkazilgan o‘yinda beshta gol urdi. Bu haqida Euro-football.ru xabar berdi.

Moldova jamoasi esa Jahon chempionati-2026 saralash o‘yinida norvegiyaliklardan 11 ta gol o‘tkazib yubordi va hisob 1:11 ga yakunlandi. Opta ma’lumotlariga ko‘ra, Holann so‘nggi 48 yil ichida Yevropa terma jamoasi sharafini himoya qilgan futbolchi sifatida saralash o‘yinida beshta gol urgan birinchi o‘yinchi bo‘ldi.

Ushbu yutuqqa erishgan oxirgi futbolchi 1977 yilda Malta jamoasiga qarshi o‘yinda oltita gol urgan avstriyalik Hans Krankl edi. Erling Holanning Norvegiya terma jamoasidagi faoliyatida 45 ta o‘yinda jami 48 ta gol qayd etilgan.

U milliy jamoada 2019 yil sentyabr oyidan buyon faoliyat yuritib kelmoqda va jamoaning asosiy hujumchisi sifatida tanilgan. Uning yuqori natijalari terma jamoaning muvaffaqiyatiga katta hissa qo‘shmoqda.

Holannning o‘yin ko‘rsatkichlari va gol urish qobiliyati uni xalqaro maydonda taniqli futbolchilardan biriga aylantirdi.