Konate Liverpool taklifini rad etdi, Real qiziqmoqda

Liverpool jamoasining markaziy himoyachisi Ibrohim Konate klubni erkin agent sifatida tark etishi mumkin. Bu haqida Euro-football.ru xabar berdi.

Uning amaldagi shartnomasi kelasi yil yozda yakunlanadi. Marca nashrining xabariga ko‘ra, Konate «Liverpool»ning yangi shartnoma bo‘yicha uchinchi taklifini rad etgan.

26 yoshli futbolchining asosiy nomzodi sifatida Madridning «Real» klubi ko‘rilmoqda. Shu sababli «qizillar» joriy mavsumdan so‘ng futbolchini tekin yo‘qotishga tayyor bo‘lishlari mumkin.

Transfermarkt portali ma’lumotiga ko‘ra, Ibrohim Konatening transfer qiymati 60 million yevroga baholanmoqda. U 2021 yildan beri «Liverpool» sharafini himoya qilmoqda.

Klub va futbolchi o‘rtasidagi kelishmovchilik tufayli uning kelajagi hozircha noaniq bo‘lib qolmoqda. Futbolchi erkin agent sifatida yangi jamoa izlaydi va uning faoliyati Yevropa futbolida katta qiziqish uyg‘otmoqda.