Milan Bolonya o‘yini uchun Leausiz maydonga chiqadi
Milan jamoasining hujumchisi Rafael Leau 17 avgust kuni Italiya Kubogi doirasida Bari jamoasiga qarshi o‘tkazilgan o‘yinda olgan jarohatidan so‘ng tiklanishni davom ettirmoqda. Bu haqida Euro-football.ru xabar berdi.
Ma’lum bo‘lishicha, portugaliyalik futbolchi Rossoneri jamoasiga Serie A ning uchinchi turida Bolonya bilan bo‘ladigan o‘yinda yordam bera olmasligi mumkin. Calciomercato ma’lumotlariga ko‘ra, Leau jamoadan alohida, shaxsiy dastur asosida mashg‘ulot o‘tmoqda.
Murabbiylar shtabi klub shifokorlari bilan maslahatlashgach, futbolchining sog‘lig‘ini xavf ostiga qo‘ymaslikka qaror qilgan. Uning 20 sentyabr kuni Udineze jamoasiga qarshi o‘yinda maydonga qaytishi kutilmoqda.
O‘tgan mavsumda Milan hujumchisi barcha musobaqalarda 50 ta o‘yinda maydonga tushib, 12 ta gol urdi va 13 ta golga uzatma berdi. Joriy mavsumda esa Leau bitta kubok o‘yinida maydonga tushib, gol urishga muvaffaq bo‘ldi.
Serie A ning ikki turidan so‘ng Milan jamoasi 3 ochko bilan turnir jadvalida sakkizinchi o‘rinda bormoqda.
