Mbappe PSJdan qarzdorlik bo‘yicha izoh berdi
Real jamoasining hujumchisi Kilian Mbappe "PSJ" klubidan shartnoma bo‘yicha unga to‘lanishi lozim bo‘lgan 55 million yevro miqdoridagi mablag‘ni olmagani haqidagi ma’lumotlarga munosabat bildirdi. Bu haqida Euro-football.ru xabar berdi.
Mbappe ta’kidlashicha, u "PSJ"ga qarshi hech qanday norozilik bildirmaydi va faqat o‘ziga to‘lanishi kerak bo‘lgan maoshni olishni xohlaydi. U klubni yaxshi ko‘radi va u yerda do‘stlari borligini aytdi.
Yuridik jarayonlar tufayli "PSJ"ga zarar yetkazmoqchi bo‘lganligi haqida noto‘g‘ri taassurot paydo bo‘lgan, biroq bu faqat o‘z haq-huquqlarini tiklash uchun qilingan harakatdir, dedi Mbappe Madrid Universal nashriga bergan intervyusida. Mbappe 2017 yildan 2024 yilgacha "PSJ" safida o‘ynagan.
U "Real" jamoasiga o‘tishini ma’lum qilgach, klub rahbariyati so‘nggi oylar uchun maoshini to‘lashdan bosh tortdi. Shuningdek, futbolchi mavsum uchun bonuslarni ham olmagan.
Bu holat futbolchi va klub o‘rtasidagi munosabatlarda muayyan murakkabliklarni keltirib chiqardi.
