Fransiyalik hujumchi Kilian Mbappe o‘zining klubdagi faoliyati haqida fikr bildirdi. Bu haqida Euro-football.ru xabar berdi.
U Parij Sen-Jermen jamoasida kuchli tarkib bo‘lganini, ular Chempionlar Ligasi g‘olibligi uchun doim yaqin bo‘lganini ta’kidladi. Mbappe Dortmundga qarshi o‘yinda 40 marta zarba berilganiga qaramay, g‘alabaga erisha olmaganliklarini tushunmasligini aytdi.
Shuningdek, u Madriddagi “Real” jamoasida o‘tgan mavsumda to‘liq muvaffaqiyatga erisha olmaganidan norozi ekanligini bildirdi. La Liga musobaqasida ham u jamoasi bilan chempionlikni qo‘lga kirita olmaganini, “Barselona” esa ajoyib mavsum o‘tkazganini qayd etdi.
Mbappe o‘yinlarda sodda ko‘ringan imkoniyatlarni boy berganliklarini tan oldi va vaziyatni chuqurroq tahlil qilganda ko‘plab sabablarni topish mumkinligini aytdi. Yangi mavsumda 26 yoshli hujumchi Ispaniya chempionatida o‘tkazilgan uchta o‘yinda uchta gol urdi.
