Yuventus Ademola Lukmanni sotib olishni rejalashtirmoqda
Turinning «Yuventus» klubi tarkibini kuchaytirish bo‘yicha rejalar tuymoqda. Bu haqida Euro-football.ru xabar berdi.
Klubdan hujumchi Dushan Vlahovich ketishi kutilmoqda, shuning uchun «Qadimiy sinyora» uning o‘rnini to‘ldirish uchun nomzodlarni izlamoqda. Tuttosport nashrining xabariga ko‘ra, «Yuventus» qish mavsumida «Atalanta» klubi futbolchisi Ademola Lukmanni sotib olishni rejalashtirmoqda.
Nigeriyalik futbolchining turli pozitsiyalarda o‘ynay olishi va Italiya Serie A liga tajribasiga ega bo‘lishi Turin klubini qiziqtirmoqda. Biroq, Bergamo jamoasi Lukmanning transferi uchun yuqori narx talab qilishi mumkin.
Shu yil yozda Ademola Lukman «Atalanta»dan ketishni xohlagan va klub bilan kelishmovchilik yuzasidan ochiq bayonot bergan edi. Matbuot uni «Inter» klubi bilan bog‘lagan bo‘lsa-da, u jamoada qolishga qaror qildi.
Hozirda futbolchi mashg‘ulotlarga qaytgan, ammo klub bilan munosabatlari murakkabligi sababli maydonga tushishi aniq emas. «Yuventus» rahbariyati ushbu vaziyatni diqqat bilan kuzatmoqda va kelajakda tarkibni yanada mustahkamlashni maqsad qilgan.
