Lamin Yamal hayoti va erkinligi cheklanganini aytdi
18 yoshli futbolchi Lamin Yamal "Barselona" jamoasida va Ispaniya terma jamoasida erishgan yutuqlari haqida so‘zlab berdi. Bu haqida Euro-football.ru xabar berdi.
U 16 yoshida Kataloniya gigantining asosiy tarkibiga kirishga muvaffaq bo‘ldi va hozirda jahon futbolining eng yorqin yulduzlaridan biri hisoblanadi. Laminning aytishicha, futboldagi muvaffaqiyati uning hayotini tubdan o‘zgartirdi.
Ilgari u o‘z xohishiga ko‘ra harakat qilgan bo‘lsa, hozirda uning erkinligi cheklangan. O‘tgan yozda Koreya va Yaponiyada o‘tkazilgan mavsumoldi tayyorgarlik jarayonida hech joyga chiqish imkoni bo‘lmagan, ammo u baribir baxtiyor ekanini ta’kidladi.
Barselona safida barcha musobaqalarda 109 o‘yinda maydonga tushgan futbolchi 27 ta gol urdi va 37 ta samarali uzatma amalga oshirdi. Terma jamoada esa 23 ta o‘yinda maydonga tushib, 6 ta gol va 12 ta assist qayd etdi.
Lamin Yamal yoshligiga qaramay, o‘zining yuqori mahorati bilan futbol olamida katta e’tibor qozongan. Uning kelajagi yorqin va u hali ko‘plab yutuqlarga erishishi kutilmoqda.
