Atletiko Liverpulga qarshi o‘yinga ikki futbolchisiz chiqadi
Madridning «Atletiko» jamoasi bosh murabbiyi Diego Simeone La Liga doirasidagi «Vilyarreal»ga qarshi kechgan uchrashuvda jarohat olgan hujumchi Julian Alvares va himoyachi David Gantsko haqida so‘zlab berdi. Bu haqida Euro-football.ru xabar berdi.
Argentinalik hujumchi o‘yin davomida tanaffusda almashtirildi, slovak markaziy himoyachisi esa 76-daqiqada maydonni tark etdi. Simeone matbuot anjumanida Alvares va Gantskoga yetgan jarohatlar haqida gapirar ekan, ertaga aniq ma’lumot olishlarini aytdi.
U jarohatlar jiddiy emasligiga umid bildirdi va Gantsko bilagi burilganini ma’lum qildi. «Vilyarreal»ga qarshi g‘alaba «Atletiko» uchun joriy mavsumdagi La Liga doirasidagi birinchi yutug‘i bo‘ldi.
17 sentabr kuni «Atletiko» Chempionlar ligasida «Liverpul» jamoasining maydonida o‘yin o‘tkazadi. Bu uchrashuv jamoa uchun muhim bahs sifatida ko‘rilmoqda.
