Lusio kamin portlashi haqida fikr bildirdi
Braziliya terma jamoasi sobiq futbolchisi Lusio portlash voqeasi yuzasidan fikr bildirdi. Bu haqida Euro-football.ru xabar berdi.
Lusio do‘stining uyida yuz bergan kamin portlashidan deyarli halok bo‘lardi. Ushbu hodisa natijasida tanasining 18 foizi kuyib ketdi.
Lusio 20 kun davomida shifoxonada davolandi va bu yil may oyida kasalxonadan chiqarildi. Lusio o‘z so‘zlarida: "Xudo menga o‘yinning ikkinchi yarmida imkoniyat berdi.
Shokdan chiqish uchun vaqt kerak, ayniqsa boshimda. Terini davolashni davom ettiryapman, lekin yaxshilanyapman", deb ta’kidladi.
Uning aytishicha, voqea do‘stlarining uyida tushlik paytida sodir bo‘lgan. Kamin o‘chib qolganida, do‘sti olovni yoqishga urinib, ustidan spirt solingan idishni tashlagan va shu sabab portlash yuzaga kelgan.
Lusio faqat yuzida, qo‘l va oyog‘ida olovni eslaydi. Uning rafiqasi jarohatlanmagan, u esa darhol hovuzga sakragan.
Lusio nafaqat terma jamoada, balki "Inter", "Bayer" va "Bavariya" kabi yirik klublarda ham o‘ynaganligi bilan tanilgan.
