Holann yangi futbolchilarga yordam berishni o‘z zimmasiga oldi

Manchester City hujumchisi Erling Holann jamoaning uzoq yillik a’zolari, shu jumladan o‘zi ham, yangi kelganlarga tezroq moslashishda yordam berishi kerakligini ta’kidladi. Bu haqida Euro-football.ru xabar berdi.

Norvegiyalik futbolchi chet elga kelib, darhol yaxshi natija ko‘rsatish oson emasligini eslatdi. U shunday dedi: «Men kabi bu yerda bir necha yildan beri o‘ynayotganlar ko‘proq mas’uliyatni o‘z zimmasiga olishlari lozim.

Men jamoani boshqarib, yangi futbolchilarga imkon qadar tezroq moslashishda yordam berishim kerak». 2025/2026 yilgi Angliya Premer Ligasi mavsumining dastlabki uch o‘yinida «shaharliklar» ikki marta mag‘lub bo‘lib, hozirda turnir jadvalida 16-o‘rinda turibdi.

Holann esa uchta o‘yinda uchta gol urdi. Yaqin kelajakda «Manchester City» o‘z maydonida Chempionlar Ligasi asosiy bosqichida Italiya klubi «Napoli»ni qabul qiladi.