Gonsales «Yuventus»dan ketishni o‘zi so‘radi

Madridning «Atletiko» jamoasi qanot himoyachisi Nikolas Gonsales «Yuventus»dan ketishi haqida fikr bildirdi. Bu haqida Euro-football.ru xabar berdi.

Argentinalik futbolchi yozgi transfer oynasi yopilishidan oldin «matraschilar» safiga qo‘shildi. Madridliklar uni ijaraga oldi va keyinchalik sotib olish majburiyatini olishdi.

Shanba kuni Gonsales Dieqo Simeone boshqaruvidagi jamoa safida «Vilyarreal»ga qarshi (2:0) o‘tkazilgan debyut o‘yinda gol urdi va keyin jurnalistlar bilan suhbatlashdi. U so‘zlarida hamma narsa oxirgi daqiqada sodir bo‘lganini, o‘zining ketishini o‘zi talab qilganini ta’kidladi.

«Atletiko» ajoyib klub ekanini, bu yerda o‘ynashni juda xohlaganini va barchasi amalga oshgani uchun xursandligini bildirdi. U o‘zining eng yaxshi fazilatlarini aynan shu yerda namoyish eta olishini biladi.

Nikolas Gonsales «Yuventus»da faqat bitta mavsum o‘ynadi.