Yakshanba kuni «Al-Nasr» joriy mavsumdagi birinchi uy o‘yinini «Al-Hulud» jamoasiga qarshi o‘tkazdi. Bu haqda Euro-football.ru xabar berdi.
O‘yindan oldin yulduz hujumchi Krishtianu Ronaldu Saudiya Arabistonining o'tgan chempionatidagi eng yaxshi to‘purar sifatida «Oltin butsa» mukofotiga sazovor bo‘ldi. U o‘tgan mavsumda jami 25 ta gol urdi.
Shuni ta’kidlash kerakki, Krishtianu Ronaldu Saudiya Pro-Ligasida ketma-ket ikki mavsum eng ko‘p gol urgan futbolchi bo‘ldi. «Al-Nasr» jamoasi uy maydonida «Al-Hulud»ni 2:0 hisobida mag‘lub etdi.
Gollarni esa Sadio Mane va Inyigo Martines kiritishdi. Krishtianu Ronaldu hozirda 40 yoshda bo‘lib, uning «Al-Nasr» bilan amaldagi shartnomasi 2027 yil o‘rtalarigacha amal qiladi.
Jamoa va futbolchi kelgusida ham muvaffaqiyatlarga erishishni maqsad qilgan. Ushbu o‘yin jamoa uchun muhim bosqich bo‘lib, yangi mavsumda kuchli natijalar ko‘rsatishga intilish belgisi sifatida qabul qilindi.
