Dembele atrofida soxta "Oltin to‘p" kampaniyasi tarqaldi

Parijning "PSJ" jamoasi hujumchisi Usmon Dembele bexosdan bir mojaro ichiga tushdi. Bu haqda Euro-football.ru xabar berdi.

Mustaqil jurnalist Nil Gardnerga marketing agentliklaridan biridan "Maxfiy hamkorlik imkoniyati" mavzusida elektron pochta xabari kelib tushdi. Ushbu xabarda Dembele atrofida ijtimoiy tarmoqlarda kampaniya o‘tkazish taklif qilingan bo‘lib, uning "Oltin to‘p" uchun asosiy nomzod sifatida ko‘rsatilishi nazarda tutilgan edi.

Agentlik asoschisi The Athletic nashriga ma’lum qilishicha, bu xabarni 18 yoshli amaliyotchi yuborgan. U ruxsatsiz harakat qilgan va buni "ta’limiy qiziqish" deb izohladi.

Yosh amaliyotchi Gardnergа va Dembelega yuz bergan tushunmovchilik uchun uzr so‘radi. Usmon Dembele vakillari esa o‘z futbolchisi nomidan bunday axborot kampaniyasini tashkil etishga hech qanday aloqalari yo‘qligini qat’iyan rad etmoqda.

Goal portali ham ushbu voqea haqida bir qator nomuvofiqliklarni ta’kidlaydi. Birinchidan, Dembele haqida tarqatilgan ma’lumotlar "Oltin to‘p" ovoz berishiga jiddiy ta’sir ko‘rsatmagan bo‘lishi mumkin.

Ikkinchidan, ovoz berish jarayoni allaqachon yakunlangan. "Oltin to‘p" mukofoti 22-sentabr kuni topshiriladi.