«Yuventus» bosh murabbiyi Igor Tudor Chempionlar ligasida Dortmundning «Borussiya» jamoasi bilan 4:4 hisobida durang o‘ynagandan so‘ng, almashtirishlarning ahamiyati haqida fikr bildirdi. Bu haqda Euro-football.ru xabar berdi.
Turinliklar mag‘lubiyatdan 94 va 96-daqiqalarda kiritilgan gollar evaziga qochishdi. Uchrashuv qahramoni zaxiradan tushgan Dushan Vlahovich bo‘lib, u ikki gol urdi va bitta golga assistentlik qildi.
Tudor matbuot anjumanida shunday dedi: «O‘yinlar har uch kunda bo‘lib o‘tadi va hozirda asosiy tarkib o‘yinchilari deyarli yo‘q. Men bu haqda jamoaga doim aytaman.
O‘yin natijalari oxirgi 20 daqiqada hal bo‘ladi. Bugun bu yana bir bor tasdiqlandi.
Beshta almashtirish joriy etilganidan keyin futbol o‘zgardi.» Eslatib o‘tamiz, shanba kuni «Yuventus» «Inter» ustidan 4:3 hisobida g‘alaba qozondi va unda ham oxirgi daqiqalarda ikki gol kiritildi.
