Real Madrid jamoasining braziliyalik hujumchisi Vinisius Junior bilan bog‘liq yangi ma’lumotlar paydo bo‘ldi. Bu haqda Euro-football.ru xabar berdi.
Diario AS nashrining xabariga ko‘ra, hozirda Real Madrid Vinisius bilan ish shartnomasini uzaytirish bo‘yicha hech qanday muzokaralar olib bormayapti. Manbaga ko‘ra, jamoaga Xabi Alonso kelganidan so‘ng suhbatlar to‘xtatilgan.
So‘nggi uchrashuvda Vinisius o‘zining moliyaviy talablarini sezilarli darajada kamaytirishga rozi bo‘lgan va shartnoma deyarli yakunlangan edi. Biroq, Klub jahon chempionati o‘tkazilgandan keyin vaziyat o‘zgardi.
Yangi murabbiy uchun braziliyalik futbolchi muqaddas shaxs emasligi aniq bo‘ldi. Keyingi bir necha oyda vaziyat aniq bo‘ladi.
Agar Vinisius Real Madriddagi o‘z o‘rnidan norozi bo‘lsa, u yanvarda sotilishi mumkin. Hozirda 25 yoshli futbolchining amaldagi shartnomasi 2027 yilga qadar mo‘ljallangan.
Transfermarkt ma’lumotlariga ko‘ra, uning bozor qiymati 170 million yevroni tashkil etadi. Shu bilan birga, Saudiya Arabistoni klubi Vinisiusni Real Madriddan sotib olishga tayyor turibdi.
