«Xetafe» jamoasi darvozaboni David Soriya «Barselona»ga qarshi o‘yinda qabul qilingan mag‘lubiyat haqida fikr bildirdi. Bu haqda Euro-football.ru xabar berdi.
Ispaniya chempionatining beshinchi tur o‘yini 0:3 hisobida yakunlandi. Soriya o‘yindan so‘ng shunday dedi: «Barselonaga yutqazgan paytda tezkor qarshi hujumlarga qarshi zaif bo‘lasan, ayniqsa ikkinchi gol misolida buni ko‘rdik.
Oxir-oqibat, Barselona juda kuchli jamoa bo‘lib, barcha turnirlarda g‘alaba uchun kurashadi. Ular g‘alabaga loyiq edi».
Hozirda «Barselona» La Liganing turnir jadvalida ikkinchi o‘rinda turibdi va beshta o‘yinda 13 ochko to‘plagan. «Xetafe» esa sakkizinchi o‘rinda bo‘lib, 9 ochko jamg‘argan.
