Karrager: Dyokeresh muhim o‘yinlarda biroz zaifroq

Angliya terma jamoasi sobiq futbolchisi Jeymi Karrager Londonning “Arsenal” klubiga yozda kelgan yangi futbolchi Viktor Dyokereshning joriy mavsumdagi o‘yinini baholadi. Bu haqda Euro-football.ru xabar berdi.

Mutaxassis Sky Sports telekanalida bergan intervyusida Dyokereshning yuqori darajadagi hujumchi ekanligi haqida turli fikrlar borligini ta’kidladi. Unga ko‘ra, Dyokeresh jamoaning eng muhim o‘yinlarida biroz zaifroq o‘ynaydi va “Arsenal” chempionlikni aynan uning hisobiga qo‘lga kiritadi, degan fikrni qo‘llamaydi.

Dyokeresh “Sporting” klubidan 63,5 million yevro evaziga sotib olingan. Shvetsiyalik hujumchi “Arsenal” safida barcha musobaqalarda oltita o‘yinda maydonga tushib, uchta gol urishga muvaffaq bo‘lgan.

Hozirda “kanonirlar” Angliya Premer-ligasining turnir jadvalida 10 ochko bilan ikkinchi o‘rinda bormoqda. Jamoaning mavsum davomida yanada yaxshi natijalar ko‘rsatishi kutilmoqda.