Parijda 2024/2025 yilgi mavsum yakunlariga ko‘ra “PSJ” va Fransiya terma jamoasi hujumchi yarim himoyachisi Usmon Dembele “Oltin to‘p” mukofotiga sazovor bo‘ldi. Bu haqda Euro-football.ru xabar berdi.
Ushbu nufuzli mukofot topshirish marosimi 22 sentabr kuni bo‘lib o‘tdi. Asosiy raqibi sifatida 18 yoshli kataloniyaning “Barselona” jamoasi hujumchisi Lamin Yamal tanlandi.
Ovoz berish natijalariga ko‘ra, yosh futbolchi ikkinchi o‘rinni egalladi. Mukofot topshirilgach, Dembele bilan Yamal qo‘l berib ko‘rishdi va samimiy tarzda quchoqlashdi.
Shuningdek, uchinchi o‘rinni “PSJ” jamoasidan portugal futbolchisi Vitinya, to‘rtinchi o‘rinni “Liverpul”dan Misr futbolchisi Muhammad Salah, beshinchi o‘rinni esa “Barselona”dan Rafinya egalladi. Ushbu natijalar jahon futbolining eng yorqin yulduzlari orasida raqobat kuchli ekanligini ko‘rsatadi.
