Vinisius agentiga «Real»dan so‘nggi taklif kelgani

«Real» jamoasining bosh murabbiyi Xabi Alonso Vinisius Juniorni zaxirada qoldirishdan tortinmaydi, chunki braziliyalik futbolchi o‘zining eng yaxshi holatidan ancha uzoqda. Bu haqda Euro-football.ru xabar berdi.

Vinisius bu holatni yoqtirmasa-da, vaziyatni faqat bitta yo‘l bilan – eng yaxshi formasini tiklab – o‘zgartirish mumkinligini tushunadi. Goal portali Marca nashriga tayanib xabar berishicha, dushanba kuni Vinisiusning agenti Frederik Penya «Real»ning bosh direktori Xose Anxel Sanches bilan uchrashgan.

Uchrashuv shartnoma muddatini uzaytirish masalasiga bag‘ishlangan bo‘lib, oldinroq muzokaralar to‘xtatib qo‘yilgan edi. Manba ma’lumotlariga ko‘ra, «Real» agentga oxirgi taklif o‘zgarmasligini bildirgan va shartnoma shartlarini yaxshilash niyatida emasligini ma’lum qilgan.

Amaldagi mehnat shartnomasi Vinisius Juniorni 2027 yil o‘rtalarigacha «Real» bilan bog‘lab turadi.