Ingliz futbolini sevuvchilar Tim Krul ismli darvozabonni yaxshi bilishadi. Bu haqda Euro-football.ru xabar berdi.
Seshanba kuni gollandiyalik futbolchi rasmiy ravishda faoliyatini yakunlaganini e’lon qildi. Yozdan beri Tim Krul «Luton Taun» klubidan ketgach, yangi jamoaga qo‘shilmagan edi.
Tim Krul 37 yoshida futbolchilik faoliyatini tugatdi. Darvozabonlar uchun bu nisbatan erta hisoblanadi.
U faoliyati davomida asosan Angliya klublarida o‘ynagan. Eng ko‘p o‘yinlarni Tim «Nyukasl» (185 o‘yin, 279 kiritilgan gol) va «Norvich» (169 o‘yin, 235 kiritilgan gol) jamoalarida o‘tkazdi.
Shuningdek, Tim Krul 15 marotaba Niderlandiya milliy terma jamoasi sharafini himoya qilgan. Bu o‘yinlarda u 16 ta gol o‘tkazib yuborgan.
Uning faoliyati va tajribasi ko‘plab muxlislar tomonidan qadrlanadi.
