Angliya terma jamoasi va Myunxenning “Bavariya” klubining markaziy hujumchisi Garri Keyn Ispaniyaning ikki yirik klubi – Madridning “Real” va Kataloniyaning “Barselona” jamoalari qiziqish doirasida turibdi. Bu haqda Euro-football.ru xabar berdi.
Bild nashri xabariga ko‘ra, 32 yoshli hujumchining mehnat shartnomasida kelasi yil yozda uni 68 million yevroga sotib olish mumkinligi haqida band mavjud. Ispaniyaning yetakchi klublari Keyn bilan shartnoma imzolashni jiddiy ko‘rib chiqmoqda.
Garri Keyn 2023 yil yozida Londonning “Tottenhem” klubidan Myunxenning “Bavariya” jamoasiga o‘tgan. Shu vaqtdan beri hujumchi “Bavariya” safida 104 ta o‘yinda maydonga tushib, 100 ta gol urishga muvaffaq bo‘lgan.
Uning yuqori natijalari va tajribasi klub uchun katta ahamiyatga ega. Keynning o‘yin uslubi va gol urish qobiliyati uni jahon futbolidagi eng yaxshi hujumchilardan biriga aylantirgan.
Ispaniya klublarining qiziqishi esa futbolchining kelajakdagi faoliyati uchun yangi imkoniyatlar eshigini ochishi mumkin.
