Simeone Alvaresning ikki golini yuqori baholadi
Madridning «Atletiko» jamoasi bosh murabbiyi Diego Simeone hujumchi Julian Alvares haqida fikr bildirdi. Bu haqda Euro-football.ru xabar berdi.
Alvares jamoasining «Real»ga qarshi derbida (5:2) g‘alaba qozonishida muhim rol o‘ynadi va ikki marta gol urdi. Argentina hujumchisi avval penalti zarbasini aniq amalga oshirdi, so‘ngra jarima zarbasidan darvoza tomon aniq zarba berib, hisobni oshirdi.
Bu mag‘lubiyat Xabi Alonso boshchiligidagi «Real» jamoasi uchun mavsumdagi birinchi yirik yutqazish bo‘ldi. Simeone derbidan so‘ng shunday dedi: «Julian jamoaga va klubga sodiq.
U bizga kerak, biz esa unga g‘amxo‘rlik qilamiz. Umid qilamanki, u uzoq yillar davomida biz bilan qoladi.
Biz uning gol urishi uchun barcha sharoitlarni yaratishimiz lozim.» Julian Alvares ushbu o‘yinning eng yaxshi futbolchisi deb topildi. 25 yoshli hujumchi «matraschilar» hujumining yetakchisi bo‘lib, La Liga to‘purarlari ro‘yxatida oltita gol bilan ikkinchi o‘rinda turibdi.
