Galatasaroy Muhammad Salah uchun muzokaralar boshlaydi
«Liverpul» hujumchisi Muhammad Salahga Yevropaning boshqa klubi qiziqish bildirmoqda. Bu haqda Euro-football.ru xabar berdi.
33 yoshli futbolchiga Turkiyaning «Galatasaroy» klubi da’vogar bo‘lmoqda. Transfer News Live manbasiga ko‘ra, agar Salah yaqin kelajakda «Liverpul»ni tark etishga tayyorligini bildirsa, turk klubi uni o‘z safiga qo‘shib olishga harakat qiladi.
Muzokaralar yanvar oyida boshlanishi mumkinligi ham aytilmoqda. Transfermarkt saytida Muhammad Salahning bahosi 50 million yevro sifatida ko‘rsatilgan.
Uning hozirgi shartnomasi 2027 yil yozigacha amal qiladi. Joriy mavsumda futbolchi 10 o‘yinda 3 ta gol urgan va 3 ta golga uzatma bergan.
U «Liverpul» jamoasi uchun muhim o‘yinchi hisoblanadi va yangi mavsumda ham jamoaga katta foyda keltirishni davom ettirmoqda.
