Dyukov: RPLda oylik maoshlar chegarasini joriy etmaymiz

Rossiya futbol ittifoqi prezidenti Aleksandr Dyukov Rossiya Premyer Ligasi uchun maoshlar chegarasini joriy etishning ma’nosi yo‘qligini ta’kidladi. Bu haqda Euro-football.ru xabar berdi.

Uning fikricha, bunday cheklov ligani raqobatbardosh bo‘lmasligiga olib keladi. Dyukov ushbu masala yuzasidan Rossiya sport vaziri Mixail Degtyaryov bilan hech qanday muhokama o‘tkazmaganini ham bildirdi.

Maoshlar uchun limit joriy etilganda, futbolchilar raqobat qilayotgan boshqa ligalarga ko‘chib ketishi mumkin. Bu esa liganing umumiy darajasining pasayishiga sabab bo‘ladi.

U shuningdek, maosh chegarasi faqat yopiq ligalarda samarali ishlashini, masalan, xokkeyda bunday tizim mavjudligini ta’kidladi. Futbolda esa agar birorta chempionat maoshlar limitini joriy etsa, u darhol o‘ziga teng darajadagi boshqa chempionatlar bilan raqobatda mag‘lub bo‘ladi.

Shu sababli Rossiya Premyer Ligasida maoshlar bo‘yicha cheklov kiritish maqsadga muvofiq emas.