Real himoyachisi El Klassikoda o‘ynamasligi mumkin

Real jamoasida bir himoyachining sog‘lig‘i borasida xavotirlar kuchaymoqda. Bu haqda Euro-football.ru xabar berdi.

Ma’lum bo‘lishicha, Din Hyuysen muhim o‘yinga, ya’ni Barselona bilan o‘tkaziladigan uchrashuvga vaqtida tiklanib yetmasligi mumkin. Avvaliga uning sog‘ligini tiklash uchun 12-15 kun kerak bo‘lishi taxmin qilingan edi.

Agar shunday bo‘lsa, futbolchi El Klassiko o‘yinidan oldin maydonga qaytishi kutilgan edi. Biroq AS nashrining xabar berishicha, Din Hyyusening tiklanish jarayoni kutilganidan sekin kechmoqda.

Realning tibbiy shtabi ehtiyotkorlik bilan harakat qilmoqchi, chunki kambal mushak jarohatlari nozik hisoblanadi va ko‘pincha takrorlanishi mumkin. Real jamoasi Barselona bilan o‘yinni 26 oktabr, yakshanba kuni o‘tkazadi.

Shu sababli futbolchining holati jamoa uchun muhim ahamiyatga ega. Jamoa murabbiylari va shifokorlari uning sog‘ligini diqqat bilan nazorat qilmoqda.