Argentina terma jamoasi do‘stlik o‘yini uchun 10 mln talab qildi

Argentina futbol assotsiatsiyasi noyabr oyida Marokko terma jamoasi bilan o‘tkaziladigan do‘stlik uchrashuvi orqali katta daromad olish imkoniyatiga ega bo‘lishi mumkin. Bu haqda Euro-football.ru xabar berdi.

AlbicelesteTalk nashrining xabar berishicha, argentinaliklar ushbu o‘yinga taxminan 10 million dollar so‘ramoqda. Hozircha uchrashuv o‘tkazilish- o‘tkazilmasligi aniq emas.

Oktyabr oyida Lionel Skaloni boshchiligidagi jamoa ikki do‘stlik uchrashuvini o‘tkazdi. Avval jahon chempioni bo‘lgan jamoa Venesuela terma jamoasini 1:0 hisobida mag‘lub etdi, so‘ngra Puerto-Riko jamoasini 6:0 hisobida yirik hisobda yengdi.

Argentina terma jamoasi Janubiy Amerika saralash guruhida birinchi o‘rinni egallab, kelayotgan jahon chempionatiga yo‘l oldi. Bu natija ularning kuchli tayyorgarligini va yuqori darajadagi o‘yin ko‘rsatishini tasdiqlaydi.

Hozirgi paytda argentinaliklar kelajakdagi o‘yinlar uchun tayyorgarlikni davom ettirmoqda.