Koul Palmerning jarohati kutilganidan ham og‘irroq ekan.
Londonning "Chelsi" futbol jamoasining yarim himoyachisi Koul Palmer qorin sohasidagi jarohat tufayli yana bir yarim oy davomida maydonga tusha olmaydi. Bu haqda Euro-football.ru xabar berdi.
Jamoa bosh murabbiyi Enzo Mareska bu haqda ma’lum qildi. Mareska aytishicha, ilgari Koulning noyabr oyida maydonga qaytishi haqida noto‘g‘ri ma’lumot bergan.
Afsuski, unga yana olti hafta tiklanish uchun vaqt kerak bo‘ladi. Jarrohlik amaliyoti qo‘llanilmaydi, shifokorlar jamoasi esa futbolchini iloji boricha himoya qilishga harakat qilmoqda.
Ular olti haftalik davr uning sog‘lig‘ini tiklash uchun yetarli bo‘lishiga umid qilmoqda. Joriy mavsumda 23 yoshli Palmer to‘rtta o‘yinda maydonga tushib, ikki gol urdi.
"Chelsi" jamoasi navbatdagi o‘yinini 18 oktabr kuni "Nottingem Forest"ga qarshi o‘tkazadi.
