Trent “Real”dan ketmoqchi, “Bavariya”ga o‘tishi mumkin
Himoyachi Trent Aleksander-Arnold o‘tgan yozda “Liverpul” klubini tark etib, Madridning “Real” jamoasiga qo‘shilgan edi. Bu haqda Zamin.uz xabar berdi.
Biroq Ispaniyada o‘tgan dastlabki davr uning kutganidek bo‘lmadi. Ingliz futbolchisi jarohatlar sababli doimiy o‘yin amaliyotiga ega bo‘la olmayapti.
Bu haqda euro-football.ru xabar berdi. “Defensa Central” nashri ma’lumotiga ko‘ra, Trent “Real”dagi hozirgi holatidan norozi va yozgi transfer oynasida boshqa klubga o‘tish masalasida harakatlarni boshlagan.
Manbaning qayd etishicha, Aleksander-Arnold Germaniyaning “Bavariya” klubiga o‘tish variantini ko‘rib chiqmoqda. Shu bilan birga, ushbu transfer amalga oshishi uchun “Real Madrid”ning ruxsati talab etiladi.
Chunki futbolchining shartnomasi 2031 yil o‘rtalarigacha amal qiladi va unda ko‘rsatilgan tovon puli miqdori 1 milliard yevroni tashkil etadi. Madrid klubi Aleksander-Arnoldning jarohatlardan forig‘ bo‘lib, o‘zining avvalgi yuqori darajasiga qaytishiga va jamoa uchun muhim futbolchiga aylanishiga umid qilmoqda.
