Luis Enrike: Anchelotti futbolchilarni tinglashni biladi

"Zenit" jamoasining braziliyalik hujumchisi Luis Enrike Braziliya terma jamoasi bosh murabbiyi Karlo Anchelotti haqida o‘z fikrlari bilan o‘rtoqlashdi. Bu haqda Zamin.uz xabar berdi.

Bu haqda euro-football.ru xabar bergan. Luis Enrikening so‘zlariga ko‘ra, Anchelottining eng muhim fazilati – futbolchilar fikriga ahamiyat berishi va ularni tinglay olishidadir.

U jamoa bilan doimiy muloqotda bo‘ladi, futbolchilarni o‘zini qaysi pozitsiyada qulay his qilayotgani haqida so‘raydi va qarorlarni ular bilan birgalikda qabul qiladi. Shuningdek, Enrike murabbiyning maslahatlarini yuqori baholab, u har bir futbolchining hayotiga chuqur kirib, nafaqat maydondagi, balki maydon tashqarisidagi voqealarga ham e’tiborli ekanini ta’kidladi.

Ma’lumotlarga ko‘ra, Karlo Anchelotti Braziliya terma jamoasini 2025 yil may oyida boshqara boshlagan. Kutilishicha, 66 yoshli tajribali murabbiy yaqin kelajakda shartnomasini 2030 yilgacha uzaytirishi mumkin.