Jikiya "Antalyaspor" safida o‘ynashda davom etadi
"Antalyaspor" futbolchisi Georgiy Jikiya haqida uning agenti Vladimir Kuzmichyov o‘z fikrlarini bildirdi. Bu haqda Zamin.uz xabar berdi.
Bu haqda euro-football.ru xabar tarqatgan. Agentning so‘zlariga ko‘ra, Jikiyaning sog‘lig‘i yaxshi va klub uni kelajak rejalari uchun muhim futbolchi sifatida ko‘rmoqda.
So‘nggi o‘yinlarda uning maydonga tushmagani kichik jarohat bilan bog‘liq bo‘lib, hozir futbolchi to‘liq tiklangan. Kuzmichyovning ta’kidlashicha, Jikiya yaqinlashib kelayotgan o‘yinda yana jamoasiga yordam bera oladi.
Avvalroq ayrim ommaviy axborot vositalarida turk klubi "Spartak"ning sobiq sardori bilan shartnomani bekor qilmoqchi ekani haqida xabarlar tarqalgan edi. Biroq bu ma’lumot tasdiqlanmagan.
Jikiya joriy mavsumda Turkiya chempionatida 12 o‘yinda ishtirok etib, 2 ta gol urishga muvaffaq bo‘ldi. Uning "Antalyaspor" bilan tuzgan shartnomasi 2027 yilning o‘rtalarigacha davom etadi.
Hozircha turk klubi futbolchi bilan ishlashni davom ettirish niyatida va Jikiyaning jamoadagi o‘rni muhim bo‘lib qolmoqda.
