Zaxaryan La Ligada qolishi kerakmi?

Ispaniyaning EFE nashri jurnalisti Xose Ignasio Ortega Arsen Zaxaryan haqida o‘z fikrlarini bildirib o‘tdi. Bu haqda Zamin.uz xabar berdi.

Avvalroq ma’lum bo‘lishicha, yarim himoyachi “Real Sosyedad” bosh murabbiyi Pellegrino Mataratso rejalariga kirmayotgani haqida xabarlar tarqalgan edi. Bu haqda euro-football.ru ma’lumot bermoqda.

Orteganing fikriga ko‘ra, Zaxaryan Ispaniya chempionatida muvaffaqiyatli o‘ynash uchun yetarli salohiyatga ega. Biroq, jarohatlar va yangi murabbiyning unga nisbatan ishonch bildirmayotgani futbolchining rivojlanishiga to‘sqinlik qilmoqda.

Jurnalistning ta’kidlashicha, Zaxaryan uchun ijara asosida boshqa jamoaga o‘tish ayni damda foydali bo‘lishi mumkin. Ammo u klubni butunlay tark etmasligi lozim.

Ortega fikricha, Zaxaryan Ispaniyada qolib, La Liga doirasida o‘zini yana ko‘rsata olishi mumkin. Joriy mavsumda 22 yoshli futbolchi 16 ta uchrashuvda maydonga tushgan va 1 ta gol urishga muvaffaq bo‘lgan.

Uning “Real Sosyedad” bilan tuzgan shartnomasi 2029 yil yozigacha amal qiladi.